ده الـCV اللى يضمنلك النجاح
رضوى نجيب
متخصصة الاتيكيت
"الــCV "
حياتك العملية بتبدأ بورقة وجواب اونلاين .. يعنى ايه ؟
يعنى جزء مهم من بداية حياتك العملية "كشخص معندوش خبره مثلا " متوقف على CV و ايميل مكتوب بشكل مقنع .
وده اللى هنوضحه سوا ف المدونه دى ..و اول حاجه هنتكلم فيها . ازاى اعمل CV لو انا معنديش اى خبره عملية .. هكتب فيه ايييه يعنى ؟!
خلينى اسألك سؤال عام .. ايه اللى بيخليك تتحمس او تحب تسمع اى شخص مجهول قدامك . حاجتين " شكله ، ومحتواه " ، وهو ده نفس اللى بيحمس اى شخص هيعمل معاك انترفيو " شكل الCV العام و محتواه او طريقة صياغته "
هات ورقه وقلم واكتب الحاجات دى او اعمل save للمدونه احسن 😄 :
1
Personal information
Name
Address
Contact information (phone number, email address)
2
دراستك Education
(School (Years attended, Example: 2008-2012)
Major
(Anticipated Graduation time (Spring 2012
3
اى أبحاث قمت بنشرها و كتابتها Previous Research Appointments
مع نبذه عن محتوى واهداف البحث ، وجهته وتاريخهShort description
4
لو فى كتاب بأسمك او مقالات (Publications (if any
5
لو سبق وقدمت عروض او بريزينتيشن تابعه لجهة معينه او فالجامعه ( Presentations (if any
6
اى نشاط خارج نطاق دراستك ( تنظيم رحلات ، ايفنتات ) Extracurricular Activities
7
اى تكريمات من اى نوع حصُلت عليها مع ذكر التاريخ والجهة Awards/Honors
Award or honor and date given
8
اى منح دراسيه Scholarships/Fellowship
Name of award, amount dispersed and date given
9
كورسات اخدتها تدعمك فى المكان اللى هتقدم فيه ، او بتدعم شخصيتك بشكل عام List of important classes taken
10
( References (try to list at least three
اشخاص او جهات قمت بالتعامل والعمل معاهم "تطوعى " ان كان بحيث يقوم صاحب العمل بالتواصل معاهم لمعرفة معلومات اكتر عنك تفيده
Name
Position
Address
(Contact information (phone number, email address
# بعد ما عرفنا ايه هى مكونات الCV ، دلوقتى محتاجين نعرف طريقة تنسيقه ازاى عشان يكون مريح وجذاب للعين :
1- اختار font واحد للكتابة وحد ، متكتبش كل قسم بشكل خط مختلف ، على سبيل ( بكلف الـCV وادلعه )😂 ، هو مش محتاج منك اى دلع خالص ، محتاج كلام مكتوب بوضوح انت مش طالع الساحل
2- لو ف قسم معين وليكن الكورسات او الدورات التدريبيه ،فى عدد اكتر من 2 . اعمل بيهم جدول وقسمه ( المكان ، اسم الدورة ، التاريخ ، ولو ف توضيح ما )
3- ابعد خالص عن الـPattern الاطار الاحمر والفوشيا واللى على شكل جاتوه وبلالين ، اللى موجودين ف الword 👯 اللى بيتحط على الـCV
4- متكتبش ف العناوين الرئيسية اى حروف مايله /
5- ركز اوى على ال Keywords او الكلمات الاساسيه المفتاحية اللى بتتطلبها مهارات الوظيفة اللى بتقدم فيها زى work under pressure ، presentation ، وغيرهم حسب متطلبات الوظيفة .
# بعد ما عرفنا مكونات الـCV و طريقة كتابته ، فاضل حاجه مهمة جدا وهى ازاى ابعت ايميل ، ركز ف الحته دى لانها مهمه جدا ، نفس اهمية الـCV او انا بسميها appetizer مقبلات او فاتح الشهية ، لان كسلك او اهمالك لكتابته بشكل مظبوط ممكن يخلى الـCV بتاعك ميتفتحش اصلاااااا .
" الـE-mail"
1- ركـز كويس جدا جدا على كتابة الايميل اللى هتبعتله صح من غير ولا مسافات ولا نقطه زياده ولا حرف capital بالغلط .
2-ايميلك اللى انت بتبعت منه يفضل يكون Gmail ويكون بروفيشنال قدر الامكان ، بلاش
ولا Hamada elkot@hotmail.com
nody _dody @yahoo.com
خللى الايميل فورمال بأسمك افضل Ahmed_ali1@gmail.com
ده بيدي انطباع بالجديه.
3-ال HR بيوصله فاليوم فوق ال 50 ايميل ، ف عشان يهتم بالايميل ويبص عليه ، اول حاجه عينه بتيجى عليها هى عنوان الايميل subject الخارجى ، تخيل معايا لو لاقاه فاضى .ازاى ؟ يعنى مش متحدد نوع الوظيفة اللى متقدم ليها ، انت باعتله الـCV لاى وظيفة متاحه عندو ..ثق انه مش هيفتح الايميل ده . وربما الE-mail تلقائيا يتحول لل spam يعنى " كل سنه وانت طيب ايميلك متشافش" !!
فالافضل انك تذكر اسم الوظيفه اللى انت مقدم عليها . Customer service . Call center . IT ...etc
4- حاجه مهمه كمان وفيها نوع من الاحترام والتقدير اولا ، والوضوح ثانيا . وهى Mail body ، مينفعش تكتب اسم الوظيفه ف الsubject وتحط الـCV وتسيب الايميل من جواه فاضى .
"لازم تكتب حاجه"
ولو مستقبل الايميل محدد اسمه ف اعلان الوظيفة او انت مقدم لشخص تعرف اسمه ، لازم تكتب اسمه ويسبقه مثلا Mr. Mrs
ولو عملت سبرش على جوجل هتلاقى مئات من نصوص الايميلات واختار اللى يتناسب معاك ومريح ليك .
5- لو طُلب منك صورة مع الCV ياريت تبعت صورة فورمال ، بلاش صور الافراح او المصايف ، لانها مش مفهومه ، ومش مطلوب منِك تظهرى sexy اطلاقا ..
6- الـCV بيكون صفحة او اتنين بأقصى تقدير ، لعدم وجود خبرات تُذكر فيه.
واخيرا .. كل ما كان اصرارك على الوظيفة وعلى بداية عمل كاريير ناجح ليك ، كل ما هيكون اصرارك على الظهور حتى من خلال الايميل بشكل اكتر احترافيه وناجح .
المدونة الجايه هتكلم فيها معاكو عن الـCV للخريجين و ذوى الخبره
تعليقات
إرسال تعليق