بـدلـة اول يوم انترفيو

اول يوم انترفيو الناس بينقسموا فيه لـ ٣ انواع :

اول نوع  آخر اهتماماته مسألة المظهر ،وغالبا بيروح الانترفيو بكاب وبنطلون جينز غامق و كوتشى سنيكر ، وده لو رايح لشركة كمبيوتر او IT غالبا بيتقبل لكن اى مجال تانى (سياحه ، خدمة عملاء ،بنوك) بيتقاله شكرااا . فى عالم الHR بيسمى بوهيمى

 تانى نوع  بيهتم بمظهره لدرجة انه بياخد معاه ف شنطته  برايت شوز " ملمع الاحذية" ومشط او فرشاه صغير والبرفيوم بتاعه . بيكون زى الكتاب ما بيقول .

ثالت نوع ... الفكرة وصلاله بشكل غلط نوعا ما ، من كثرة اسئلته للمحيطين و سابقى الانترفيوهات عشان لوازم النجاح ف الانترفيو معلوماته اتلخبطت ، ممكن يروح ببدله "بتلمع" كلنا عارفين شكلها ، واكسيسوارات  بتصدر صوت "شخلله" وماكياج سواريه والشعر او الحجاب مرفوع شنيو .
مع ان فى حقيقة الامر المظهر ف الانترفيو بيكون ابسط من كده بمراحل وبساطته هى سر نجاح 40% من الانترفيو ، وهو ده اللى هنتكلم فيه ف موضوعنا انهارده  #اتيكيت_المظهر_للأنترفيو  ، للجنسين :

1- نوعية اللوك او المظهر الخاص بيك ف الانترفيو اللى بيحددها هو طبيعة الوظيفة اللى هتقدم فيها ، وده بتعرفه من خلال السؤال ف المكالمه اللى بيتحددلك فيها الموعد ( يا ترى ايه الdress code  او هل الانترفيو فورمال ؟ ) .
طيب ..هل ف انترفيو بيكون جاكوال اصلا ؟! ايوة فى شركات بتشتغل ف مجال ال entertainment  او مجال الدعايا والحفلات والسياحة احيانا بيكون شغلها ف المدن الساحليه و الشواطئ .

2- ألوان البدله بالنسبه للرجال ( أسود ، كحلى ، رمادى ، بنى غامق) / بالنسبه للفتيات ( مفيش لون محدد ) ولكن بتراعى ان اللون يكون هادى جدا ونبعد عن الاحمر والالوان الفسفوريا .

3- طول الشعر او كثافته مسألة مبتشكلش اى فرق الافى مجال البنوك ، ولكن الاهم دايما هو نظافة ولمعان الشعر  .
4- قص و تنظيف الاظافر بالنسبة للرجال فى جميع الاحوال امر مطلوب ومريح نفسيا ، وبالنسبة للفتيات فى الوان معينه غير ملفته ومريحه للعين بتكون هى الانسب فى يو مالانترفيو والجو العملى كمان

 5- أنسب حذاء للفتيات يكون ارتفاع الكعب 5سم   واحرصى على ارتداء شراب فوال

6- اما بالنسبة لمقاسات البدلة .
    * أحرص على ان اكتاف البدله تكون متوازيه مع اكتافك " محتضناها"  ، واساورها تصل لحد بداية أسورة اليد  ، وطولها بيصل لمنطقة الارداف .
⇇ لمعرفة الطول المثالي للجاكيت الخاص بيك، قم بقياس المسافه من خلف الرقبه بداية العمود الفقري و حتى اخر الجسم للقدم. و قم بقسمتها علي نص half 👌
* أحرص على انك تظهر من 1 ل 2سم من كم القميص من أسفل البدله .
* أفضل خامة للقميص هى "القطن " مريحة للجسم جدا وممتصة لاى تعرق .

7- * منديل البدله Handkerchief  / استخدامه مش مقتصر فقط ك حلى ، وانما استعماله عملى وبيعبر عن اناقة الرجل  ومن افضل خامات 
            المنديل ( الكتان الناعم ، القطن ، الحرير ) 
    * الكرافات  : من اول الامور اللى بيتم النظر ليها ، وبالتالى احرص على ان لونها يكون هادى وداكن ومكوية

8-  افضل انواع العطور / البرفيوم  العملية للرجال والنساء :
للرجال :

Polo Blue Sport by Ralph Lauren

Burberry Brit Summer for Men by Burberry

Acqua di Gio by Giorgio Armani

Angel for Men by Thierry Mugler

Gucci

Eternity for Men by Calvin Klein

للنساء :

Calvin Klein 

Intrusion by Oscar De La Renta 

Intimately Yours Beckham by Beckham

9- بالنسبة للرجال ارتداء الحزام من نفس لون الحذاء .

10- وقد يكون اهم من ماركة البدلة للجنسين او الاهتمام بكييها ونظافتها  
11- الاكسيسورات :
للفتيات ..👩
 من اللطيف اضافة بعض الاكسيسورات على الزى الفورمال ولكن احرصى على ان اللون يكون هادى و، وغير مصدرة لاصوات قوية "شخللة "  
# الحلق .. صغير فضة او دهب
# العقد .. ريق  . تجنبى الحلى المكون من ادوار
# الخاتم .. صغير 
# الساعه .. من الجيد شكلا وعمليا ارتداء ساعه
للرجال ..👨
يفضل  الابتعاد تماما عن اى اكسيسورى رجالى يوم الانترفيو ، والاكتفاء بساعه قيمة ..

كده تم تغطية اساسيات المظهر فى الانترفيو بشكل بسيط وسريع . لو الموضوع عجبك اعمله شير 😃

رضوى نجيب مدربة الاتيكيت والبروتوكول