Queen Radwa

مساء الفل ... وحشتونى بصراحة ، فى 2019 و ما قبلها كنت متعوده انى بنزلكم مقالات ف روزاليوسف والوطن وغيرهم .. بس فكرت انى ممكن اكمل كتابة من خلال البلوج" المدونة " بتاعتى ،احساسى هنا فى دفا اكتر  عايزة اتكلم معاكو انهارده عن معتقد " لذوذ" فى مجتمعنا الشرقى معرفش اية منطقه ولكن احنا عايشين علية. الا وهو لو البنت قبل الجواز انفعلت و قالت كلام ميصحش يتقال او تجاوزت  ،يقولوا للراجل لا البنت دى لو متربية كويس صوتها ميعلاش عليك ولا حتى تهلفط بالكلام .لا يا ابنى دى مينفعش تشيل اسمك و تربي ولادك دول هيطلعوا مجانين زيها.. اعكس المشهد بقي لو الراجل ف نفس الوقت انفعل و قال كلام ميصحش يتقال أهل البنت لو عايزين يجوزوها هيقولوا ' يا بنتى كل الرجالة عصبية و بتنزل على مفيش يزعق او يغلط بكلمتين و يرجع بعدها يراضيكى واكيد طالع عينه " ولو بنتهم فارقه معاهم بيقعدوا مع الر اجل د ويعرفوة ان مش كل انفعال كلامه بيتبلع و بنتنا مش ملطشة. اللى الناس متعرفوش .ان الغضب تراكماته وحشة مش بس بين المرتبطين ،بين الاصحاب و الاهل كمان، بيفضل الشخص المتلقي للانفعال وال

مساء الفل عليكو بقالنا كتير متقابلناش ف البلوج، الحياة واخدانا ..بس بصراحه خلال الفترة اللى فاتت كنت ببص حواليا شايفه حاجه مهمه اوى .. كلنا بلا استثناء خبرتنا او انطباعتنا عن فكرة الجواز جاية من 3 اتجاهات بأختلاف النسب .  من البيت والاب والام وعلاقتهم ببعض -     من اصحابنا المتجوزين وسؤالنا اللذيذ ليهم " ها ايه اخبار الجواز ؟ " وطبعا احنا مش بتكون نوايانا اننا نطمن على سعادتهم قد ما بتكون احيانا الدماغ فيها صراصير  -  وتالت حاجه والاخيره . قراءتنا وافكارنا الخاصة واحلامنا - اولا :  لو اتربيت ف بيت فية اب محب وكلامه حلو وام مقدره وحنينه ، البنت هتطلع ايجابيه ، حنونه ،متفهمه والولد هيطلع راجل لطيف و ذوق ومهذب لان المناخ ايجابى ، ولو طلعت ف بيت الاب فيه وظيفته يشتغل بس ويرجع يستنى كوباية الشاى وكلامه قليل فالبيت  والام عايشة بمبدأ ( كفاية دخلتك علينا، وهو الراجل مطلوب منه ايه غير انه ميخليش بيته محتاج حاجه )  هتطلعى بنت متحفظة زيادة و ناشفة و الولد هيطلع شايف ان الامان ف المادة وعلاقته الاسرية مش افضل ما يكون . بيقوم بالواجب وخلاص .. احنا 60% نتاج

😈 دايما عندنا قوالب بنحط فيها التصرفات المفاجئة هى قصت شعرها. يبقى انفصلوا   هو نزل يسهر ف اى مكان وشاف بنات ، او فضل يحرق ف سجاير وسرحان  .. يبقى انفصلوا و الحقيقه هى الجانب الحقيقي ف الموضوع ، انه هو او هى معملش التصرف المفاجئ ده عشان انفصل ولكن هو عمل ده عشان يلهى مخه وعينه فى تفصيلة مختلفه تخطف عن مخة فكرة التركيز ف اى وجع او زعل  وفى ناس بتعبر عن عدم رغبتها ف سماع سؤال ( هو ايه بس اللى حصل ؟) ، بأنها تندمج مع اللى حواليها ف اى حاجة ، تخرج ، تضحك بمعدل اكتر من العادى او تركز مع الناس ف مشاكلهم اكتر وتحاول تحلها عشان تنسى نفسها وفى ناس بتنعزل او بتفضل الصمت لفترة .. تغسل نفسها من جوا وترجع تتعامل وكأن شيئاً لم يكن . والناس العملية هى اللى بتطحن نفسها فى الشغل عشان تهدى وتتلهى خالص . بس مشكلة الشخصية دى انها فعلا بتتلهى بس مع اول سؤال ( هو ايه اللى حصل ) بتكر الوجع والدموع اللى جواها لحد ما تسكت . احسن وافضل حاجة ممكن تعملها مع حد تعرفه " انفصل " انك تحترم رغبة مخة ولخبطة قلبه ومتسألوش ف اى حاجة، بل تضحكة وتدمجه ف تفاصيلك انت وتخرجة وتشغله

كتبت : رضوى نجيب أستشارى الاتيكيت واتيكيت العلاقات اتعودنا من زمان اوى ان "العلاقة العاطفية " هى بوابة لتحقيق امانى واحتياجات ورغبات كثيرة . المعنوى منها والمادى .. على سبيل المثال البنت فى الفئة العمرية من ( 16 ل   27 سنه ) اول ما بتدخل فى علاقة عاطفية بيكون الموضوع بالنسبالها #فانوس_سحرى على هيئة راجل ظهر فى حياتى لتحقيق رغبات كتير واللى بيدعم الفكرة دى كمان هو الاهل   بالجملة الشهيرة   " لما ترتبطى هيعملك ويعملك ، وتعملى معاه حاجات كتير " عايزة اسافر فسحه = لما تتجوزى سافرى مع جوزك عايزة اهاجر= لما تتجوزى مكان ماهو يسافر  رجلك على رجله 😒  عايزة اركب عجل = ابقى اركبى عجل وعيلي زى مانتى عايزه معاه عايزة احب = لما تتجوزى حبى جوزك حب حلال ..يوووه 😈 فبقى الراجل بالنسبالها هو البوابة اللى هتحقق من خلالها احلام و رغبات مؤجله كتيرة اما البنت فى الفئة العمرية من ( 28 ل فما فوق التلاتين واكتر ) بتكون غالبا عرفت ازاى توصل لرغباتها الفردية بنفسها بدون عامل مساعد اسمه الراجل . مع الاخذ فالاعتبار   ان ف بنات كتير ف الاعمار دى مازالت تبع التصنيف الس

رضوى نجيب متخصصة الاتيكيت ايه ده ؟ّ 5 حاجات بس يخلوا العلاقة لذيذه كده 😉. طب ايه يا ترى ؟ فالبداية فى نقطة مهمه جداً عايزين نتفق عليها ، ان كل علاقة بين شخصين " هى مميزة ومختلفه " بتفاصيلها ، يعنى مفيش علاقة شبه التانية ابدأ ، كل واحده حسب صفات الشخصين ، ولكن ليه بنقول ان ف مفاتيح تنجح اى علاقة ، لان حسب الابحاث اللى أُجريت على علاقات كتير فى دول مختلفه بنلاقى قواسم مشتركة بين اغلب العلاقات الناجحه  ، وهى دى سر نجاحها ، اللى هى ايه ؟ تعالوا نشوف سوا  😊♥ 1-  لعلاقة عاطفية مثالية : مفيش شئ على وجه الارض مثالى او معمول بدقة شديده غير "صنع ربنا " ، ولكن اى شئ دخل فيه العقل الانسانى دايما بيكون فى نواقص او ديفوهات ، و بالتالى مفيش علاقه عاطفية تتسم بالمثالية ولكن فى اوقات او تفاصيل وافعال الطرفين بيسعوا انهم يخلوها متميزة ومختلفة .. يعنى مفيش شئ ف حياتكو هيكون مثالى الا لو انتوا سعيتوا لأنجازه واتمامه بأحسن شكل سوا .. 2-  الانفصال هو الحل : كـتير من العلاقات اللى بيظهر فيها خلاف قوى او اختلاف فى وجهات النظر او الطباع ، لو سألت الطرف

كتبت : رضوى نجيب متخصصة الاتيكيت والبروتوكول فى الجواز والعلاقات كل يوم بقابل تجارب لزوجين بيأكدولى فكرة " انا اتجوزت عشان أستقر / عشان اخلف / عشان معنسش / عشان كلام الناس / عشان عديت ال 27 / عشان خلاص اشتغلت وكونت نفسى فاضلى بس اتجوز ! وبالتالى بنرهن حياتنا بأشخاص ملحقناش نعرف شخصياتهم ولا أفكارهم ولا حتى أسرارهم او نقط ضعفهم ف الحياة .. وطبعا بعد فترة طويلة من الجواز بنكتشف اننا منزعجين من حاجات كانت ف الاساس واضحة جدا من البداية ولكن كملنا واحنا عشمانين ومتوقعين اننا هنقدر نغيرها ، او بكرة هيتغير محدش بيفضل على حاله .. من غير ما نتعب نفسنا ف اننا نفكر ان فى امور اساسية مبتتغيرش وامور ثانوية قابلة للتغير . وده اللى بقابله تقريبا كل يوم من خلال استشارات #أتيكيت_العلاقات .. مع الازواج والمخطوبين او حديثي الارتباط الاعاطفى خلونى اوريكم نوعية من الاساسيات اللى لما بنغمض عينينا عنها بالوقت بتولد فتور وزهق من الطرف الاخر " وعلاقة ميته " : اتعرضت عليا أستشارة من زوجين ، وكان المشتكى او المتضرر " الزوج " وقالى : مراتى غيرتها