انت بتتلكـك

اى حاجه فى الدنيا عشان تنجح او تمشى صح زى ماحنا عايزين ، لازم يتفرشلها صح ؟! حلو كده !
#الفرشة المنطقية فى علاقة اى ولد و بنت ، هو انهم لاااااازم يكونوا عارفين كويس اوى لو هما الاتنين بدئوا العلاقة العاطفيه  بعد سن الـ 26 سنه انهم فاهمين كويس اوى طريقة تفكير بعض . او بشكل تانى لازم نحترم تفكير بعض ، ومستوى ذكاء بعض ان وجد يعنى .

فأول حاجه هـقول وجهة نظرى فيها ورؤيتى الخاصة ليها ، واتمنى انها تضيف ليكو شئ  فكرة "التصالح مع النفس "
ايه الكلام المجعلص ده ! 😎 أشترى منى بس .
طبعا طبعا طبعا كلنا عارفين ان المشاعر او الحب مفيش فية ريموت اومقاييس معينه ، يعنى انا بشوف بنى ادم بيعلق معايا ، مرة فالتانيه بحس بحاجه ناحيته . اعجاب بقى او ارتياح او انجذاب .
بس ف حاجه بقى انا ليا فيها قرار ومقاييس ، زى ايه هى اساسيات الشخصية دى / عشان احس معاها انى مستقر عاطفيا .
وفى حاجات مترتبه على حاجات . يعنى :

مينفعش اقول انا عايزاه شخصيه عملية معملية فذه ، ولما الاقى ان وقته ف شغله كتير عن الناس العادية بحكم مسؤوليته ورغبته ف انه يثبت نفسه  ، اقول لا انا عايزاه يدينى 3 ايام من الاسبوع يقضيهم معايا ، وبعدين بيتعامل مع عملا ستات كتير ، وانا مش هفضل امشى وراه بقى .. لا كده محتاجه تفكرى نفسك انه  مش بياع فريسكا خالص . وطالما واثقة ف قيمتك عندو وف اخلاقه النابعه من افعاله قدامك  ومعاكى يبقى ..سيري يا نورماندى

مينفعش اقول ان عايزها طموحه ومتميزة ف شغلها ، واجى ف نفس الوقت اعرف ان طبيعة شغلها بتتعامل مع رجاله قد الستات ، واقول لا دى علاقاتها كتيره وانا غيور !! ، بص انت ليك عندها حاجتين / اولا : ان علاقاتها بالرجاله تكون ف حدود الشغل وبس  وقتا وحديثا ، ، ثانيا : ان اسلوب كلامها يكون معقول ومهذب معاهم "زى ما بنقول ف حدود " ، وطالما بتعملك وضع كويس اوى يبقى عداها العيب .. لكن مسألة انها بتتعامل مع رجاله ف المطلق د مش عاجبك " ده نقص ف ثقة ف نفسك ومش عايزة اقول فيها "

اللى اقصده من كلامى ، انك حاول تفكر نفسك كل شوية بأنك لازم تسعى ف أتجاه رغباتك او معاييرك ، ومتفكرش ف حاجه وتعمل حاجه تانيه  .
ف معنيين مختلفين تماماااا عن بعض ( الزوج و الزوجة / وشريك الحياة )
الاول : بتكون عايز منه كام حاجه كده محددين ( بيت هادى ، اطفال حلوين ، علاقة تقضى الغرض ،اكله مشبعه)
التانى : بتكون عايز منه ( شراكه ف التخطيط لحياة خاصه بينكم ، اطفال حلوين بردو ، علاقة مشبعه ومميزة ، قصة الاكل ان وجدت تمام وان لم توجد نتعلمه مش قضية ، بيت يفتح النفس اننا نرجعله ف اخر اليوم ، تفكير مشترك ف المشاكل والاولويات والرحلات  ،علاقات اجتماعيه موزونه...الخ )

وفكرة التصالح مع النفس ، مضمونها انك تبقى عارف وعندك يقينك كده فأنت محتاج ايه ، فتقدر ف المراحل الاولى العقلانيه من التعامل تحس .. هل احتياجاتك متوفرة ف فلان ده ولا لأ ، عشان معنى انكو دخلتوا ف مرحلة ( الحب ولع ف الدرة ) انكو عديتوا بمراحل التقييمات دى ولاقيتوا انكو الانسب لبعض فحسيتوا بال(هييييح) نحب بقى  ،  ولحاجه مهمه كمان جدا ، ان ف تفاصيل بتكون واضحه وضوح الشمس زى ايه ؟!
- دى شخصيه عملية ولا بيتوتيه من الطراز الاول
- دى شخصيه منغلقه ولا اجتماعية
-دى شخصيه متحدثه ولا بتاكل ضوافرها بس

مفيش حد اول ما تعرفه هيكون بيعشق النوم والانتخه ، وتانى يوم الصبح هيقولك جالى عقد عمل ف ايران على مشروع نووى وانا طموحى  اهم حاجه .. اى حاجه ف الدنيا ليها علامات .

فى شخصيات عملية جدا بس مش اجتماعية ، متجيش لما تعرفى د بقى تطلبى منه يروح معاكى حفله فيها 15 حد من صحابك تعرفيه عليهم ، لانه 80% هيرفض ولو وافق هيفضل طول الوقت يبص حواليه بيدور على ركن هادى يحتويه ، او يبص ف الساعه عشان يمشى .وان ابدى اعتراضه يبقى مبيحبكيش ، والاهتمام مبيتطلبش .
 متجوش بعد انسجام تام ولحظات حلوة ، وتفاصيل تقشعر من متعتهاا ، تتفاجئوا بالجوهريات والاساسيات وتقولوا لا ف اختلاف ايدولوجى بينا . لان كده انت بتتلكك .
او تعملوا حاجتين عكس بعض ، تكونوا ف اول العلاقه او نصها  و ف حاجات قابله للتعديل لانه مش كتاب سماوى دى طباع بشرية سهله ، و تقولوا  (انا لانى لسه مدخلتش ف الجد فمعنديش صلاحيات انى اطلب منك تغير حاجه فيك ) ،  بس انا لازم ابعد  ،لا انا احب اوضحلك انك بردو بتتلككى لانك لو متمسكه وحابه العلاقه بشكل عام ، هتسألى وتطلبى امكانية تغير بعض الاشياء ولو الطرف التانى بيحب بجد هيحاول يغير ، خصوصا لو التغيير للأفضل .

من شخص دخل ف علاقه وصلته "للسلام النفسى" لفجأة تحول  خلاه حاسس بأختلاف ايدولوجى "فالتفكير " فلازم نبعد .. دى علاقه كان احد الطرفين فيها مش عارف من البداية هو عايز ايه

رضوى نجيب
#هووهى