هو ايه اللى حصل ؟ 😈 " بملامح يأكلها الفضول

😈

دايما عندنا قوالب بنحط فيها التصرفات المفاجئة

هى قصت شعرها. يبقى انفصلوا  

هو نزل يسهر ف اى مكان وشاف بنات ، او فضل يحرق ف سجاير وسرحان  .. يبقى انفصلوا

و الحقيقه هى الجانب الحقيقي ف الموضوع ، انه هو او هى معملش التصرف المفاجئ ده عشان انفصل

ولكن هو عمل ده عشان يلهى مخه وعينه فى تفصيلة مختلفه تخطف عن مخة فكرة التركيز ف اى وجع او زعل 

وفى ناس بتعبر عن عدم رغبتها ف سماع سؤال ( هو ايه بس اللى حصل ؟) ، بأنها تندمج مع اللى حواليها ف اى حاجة ، تخرج ، تضحك بمعدل اكتر من العادى او تركز مع الناس ف مشاكلهم اكتر وتحاول تحلها عشان تنسى نفسها

وفى ناس بتنعزل او بتفضل الصمت لفترة .. تغسل نفسها من جوا وترجع تتعامل وكأن شيئاً لم يكن .

والناس العملية هى اللى بتطحن نفسها فى الشغل عشان تهدى وتتلهى خالص . بس مشكلة الشخصية دى انها فعلا بتتلهى بس مع اول سؤال ( هو ايه اللى حصل ) بتكر الوجع والدموع اللى جواها لحد ما تسكت .

احسن وافضل حاجة ممكن تعملها مع حد تعرفه " انفصل " انك تحترم رغبة مخة ولخبطة قلبه ومتسألوش ف اى حاجة، بل تضحكة وتدمجه ف تفاصيلك انت وتخرجة وتشغله ..

لان سؤالك ليه عن اللى حصل ؟! مش هيخلية يرتاح 

بالعكس فى حالة لو كان بيحب هيتوجع اكتر ومش هيعرف يتكلم غير بكل خير عن الموضوع وباكتر كلمات مختصرة ، وفى حالة لو كان مدايق وكاره  هيتكلم بشكل سلبي جدا يضخم احساسه الداخلى اكتر .. فأنت كده ازمتها مش صلحتها ..

الناس المحترمة لو حبِت بجد .. مبتعرفش تقول غير " اتمناله الخير " وكل ماهو طيب عن الشخصية دى ، او تلتزم الصمت وتقول " مش عايز اتكلم "

 ... أسوأ كام ساعة  ف حياة اى انسان  

الساعات اللى بتكون بعد دفن حد عزيز على قلبه اوى ، والساعات اللى بعد انفصاله عن حد حبه .

واحسن شئ ف الانفصال .. بيخلى القلب يهدى ويطمن لما يلاقى ان المعاملة المتبادلة هتفضل محترمة وفيها ود ودعم كما كانت 

لو ف لحظة القلب زعل .. لازم يفتكر لحظات تانية كتيييييير فرح فيها واتبسط ويتمنى الخير  من كل قلبه للشخص اللى اهداه اوقات  

💗كتير قيمة 

لن يتغير شيئا من الود والمحبة  وان تغيرت المسميات والقوالب 

#رضوى_نجيب