معاك بيزنس كارد ؟! . اووووبس لا
اهلاً وسهلاً ....
ناس كتير فاكره ان البيزنس كارد (الكارت الشخصى) عباره عن رفاهية ..ده حقيقي !
لدرجة انك اوقات لو سألت شخص بيشتغل ف وظيفة ادارية وقلتله "بأبتسامة كده " ياترى ممكن البيزنس كارد بتاع حضرتك ؟ 👩 .يقولك " يا سيدى انت شايفنى صاحب شركات قدامك .اكتب الرقم عندك ..معاك موبايل هههه".. و ياخد المسألة ببساطه و تهريج .
مع أن البيزنس كارد (الكارت الشخصى) بالنسبة لاى موظف ادارى بيتعامل مع العملاء او الناس او مدير مش بس صاحب شركة هو شئ مهم جدا لاكتر من سبب:👌
اولا : بيعطى انطباع عن مدى اهمية الوظيفة او المنصب اللى انت فيه .👨
ثانيا : بيأكد على مدى اهتمام الشركة بأظهار موظفيها فأحسن صورة ✅✅
ثالثا: بيدى للموظف الصلاحية 🔑 فى انه يكون لسان ناطق عن شركته فى اى مكان او زمان او حدث
رابعا : اى انسان وارد جدا انه يتناسى الاسماء او المناصب ، ولكن وجود كارت شخصى ليك معاه ، بيكون ضمان لانه يفتكرك فى وقت تانى لو احتاج يتواصل معاك ..
و رغم علم الكثيرين بأهمية البيزنس كارد كوسيله أولى فى نجاح توسيط دايرة العلاقات ، ولكن للأسف كتير منهم بيجهل طرق التعامل بيها او تقديمها بشكل احترافى او بروفيشنال اكتر .
طيب أيه رأيكو نشوف تقريبا أهم 🔟 نصايح لأتيكيت تقديم البيزنس كارد بشكل ناجح :
1 - حاول دايما تسيب فى مكتبك او بيتك (الاماكن اللى بتتواجد فيها بأستمرار)🌃 كمية من الكروت الشخصية ليك ،تحسباً لزيارة اى شخص ليك ممكن يهتم بالاحتفاظ بوسيلة تواصل معاك .لان بيكون موقف محرج جدا لو سألك احد الزائرين او عميل ف مكتبك ، هل ممكن احتفظ بكارت شخصى لحضرتك ؟ ويكون رد فعلك ( اوووبس انا اسف جدا الحقيقه كمية الكروت خلصت ، او مش معايا حاليا ) ❗ وبنسبة 60% ممكن المقابلة تذهب فى طى النسبان خلال اسبوعين تلاته . ويفتكرك مرة تانيه بالمصادفه لو جات سيرتك فى حوار او قابلك بالمصادفه فى مكان تانى .
٢- أحتفظ بالبيزنس كارد الخاص بيك دايما ف علبة جلد او معدن شيك او محفظة مخصصة للكروت بتكون سهلة الفتح والغلق ، للحفاظ عليهم من الجو الخارجى و لحمايتهم من القطع او الثنى ." ولانه بيحطى انطباع بمدى اهتمامك بتفاصيل شغلك "
٣ - احرص على تثبيت مكان معين واحد للأحتفاظ بالكروت ، وتجنب توزيعهم فى اكتر من جاكيت بدله او حقيبة " لعدم التشتيت" ، لان فى اللحظات الحاسمه اللى بيكون المفروض عليك تقديم كارت ، لو الطرف المقابل لاحظ "اللخبطه" او التشتيت فى بحثك عن كارت فى الجيوب او الحقائب بيترك انطباع بعدم المصداقية او التشتت !!
٤- احرص على تقديم الكارت الشخصى الخاص بيك بشكل فيه نوع من التقدير للشخص المقابل وتقدير لاهمية الكارت ، لان فايدة الكروت مش بكثرة توزيعها بقدر توزيعها فى وقتها ومكانها الصحيح وبالشكل المطلوب .
٥ - تقديم الكارت الشخصى الخاص بيك (باليد اليمنى ) او كما يتم تسميتها "the hand of discretion '' ،كنوع من التقدير ، خصوصا فى المؤتمرات او الاجتماعات الكبيره .
٦- تقديم الكارت الشخصى " البيزنس كارد " على الوجه اللى هيتم قراءته بمجرد استلامه " الجهة المكتوب عليها بيناتك" .
٧- دايما أحرص عند استلامك للبيزنس كارد ، انك تعلق بشكل ايجابى على محتواه ( سواء اللوجو او تصميم الكارت او الاسم ) ، ده بيترك انطباع لطيف جدا عند صاحبة .
٨- احرص بأستمرار على عمل "update " للبيزنس كارد الخاص بيك ،سواء بكتابة ارقامك الجديده فى حالة تغييرها ، تعديل الوظيفة في حالة الترقى وكتابة العنوان الجديده فى حالة تغييرة ، لان ممكن معلومه خاطئه واحده تعارض ف وصول احد العملاء او المهتمين بالتعاون معاك من الوصول ليك .
٩- بعض الاشخاص اثناء الاجتماعات او اوقات تبادل الكروت ممكن يطلب منك التواصل معاه مرة تانيه من خلال الايميل المكتوب على الكارت الشخصى الخاص بيه ، وبكل عفوية واهتمام بتقوم بكتابة الملحوظة دى على الكارت الخاص بيه اللى قمت بأستلامه "حرصا على عدم النسيان " ولكن فى الحقيقه التصرف د مبيكونش فيه احترافيه ، لانه بالنسبة لصاحب الكارت بيحمل نوع من تشوية شكل الكارت الخارجى وعدم الاهتمام بيه ، فأحرص على اقتناء Note لكتابة اى ملحوظات بدلا من كتابتها على اكارت .
۱۰- متحاولش فرض او اقحام البيزنس كارد الخاص بيك على الاطراف الاخرين ، الا فى حالة طلبهم ليه ، ولكن اهتم على طلب الكروت الخاصه بيهم فى المقابل ..
معرفتك بأهمية الكارت الشخصى فى نجاح اعمالك وتقوية وتطوير علاقاتك شئ مهم جدا . واتمنى تكون ال10 نصايح اللى فوق افادوك بشكل كبير ..
رضوى نجيب متخصصة الاتيكيت والبروتوكول
لمواضيع اكتر تخص مجال الاتيكيت تابعونى
تعليقات
إرسال تعليق